Bakıda daha 12 məktəbdə inklüziv siniflər yaradılıb
AZƏRTAC-ın Bakı Şəhər Təhsil İdarəsinə (BŞTİ) istinadən verdiyi məlumata görə, 2026-2027-ci tədris ilində Bakıda daha 12 ümumi təhsil müəssisəsində inklüziv siniflər yaradılıb. Bunlar 21, 26, 56, 68, 112, 227, 238, 253, 259, 263, 276 və 314 nömrəli tam orta ümumtəhsil məktəbləridir. Hazırda Bakıda 53 təhsil müəssisəsində sağlamlıq imkanları məhdud uşaqlar inklüziv təhsilə cəlb edilib.
Bu nə deməkdir?
İnklüziv təhsil sağlamlıq imkanları qismən məhdud uşaqlarla sağlam uşaqların eyni sinifdə oxumasına imkan yaradır. Məqsəd həm bu uşaqların cəmiyyətə rahat inteqrasiyası, həm də keyfiyyətli təhsil almasıdır.


